Am trying to pinpoint this Monastery or Abbey, perhaps renting land to Alexander Cockburn.
A witness was Alexander auchinlek,
another was James bane ADARE -
a family I am researching.
Any help identifying this area appreciated. Thankyou.
Alexander COCKBURN, Ayr (?), Scotland
James Bane ADARE, (Ayr ?), Scotland, c.AD1532
10 October, 1532.
Be it kend till all men be thir present letteres
Me alexander cokburne in the grange of balmerynache
To be bundyne and oblist And be the tenour of this present lettir bindis and oblissis me my aieris etc. .....
Robert abbote of balmerynache and conuent of the samyn ....
That forsamekle the said abbote and conuent hes set to me and my aieris in feuferme ... the thrid part of the grange of barry upper barrymure nethirbarrymure Cotwallis The Kirk halch Tua aikir of land in the cotside that Thomas stene occupijt ...
liand withtin the baronnry of barry ...
lik as is contenit in the chartter of fewferme....
Herfor I the said alexander bindis and oblissis me my aieris etc.....
to fulfill and keip all the poynttis in the said chartter
In speciall sall pay the few maile contenit in the said chartir at tua usuale termis ...vndir the pane of tuenty schillingis
And for the secund fyftene dais / fourty schillingis
An sua furtht Ilk fiftene dais fourty schillingis
Secundly I and my aieris etc ... sall resaue the abbote and conuent quhen thai sall cum to our houssis one our expensis anis or twiss in the yere for ane day or tua and treit thame honestlie as efferis
Alsua sall pas witht our cornis to the myllis of the said baronnry quhen thai haue watir to grynd the saidis cornis
And sall ride witht the said abbote and conuent to the kingis Weyris at all generall proclamatiounis one our awin expensis quhen I or thai beiss requirit tharto be the said abbote and conuent and thar successouris
And quhen I ame requirit to ride witht thame to thar honest erandis one thar expensis
And sall tak thar afald and plane part in all lafull honest causis
And sall neuir cum in the contrare of thame eftir the auth of fidelite maide be me to thame as is requirit be the law of the forme of fidelite of few Capitulo.... questione... de forma de Iuramento / Ego etc.
And sall ansuere to our thre hed courtis and to vthiris courtis quhen we ar warnyt be our officiaris to do seruice tharin siclik as vthiris tennenttis dois
And sall nocht truble molest perturbe na Inquiete the tennentis withtin our baronnry
And .... I the said alexander bindis and oblissis me my aieris etc. .....
vndir the paine of tene pundis usuale money for the first tyme gif I or my aieris failzeis of the premissis
The secund tyme tuenty pundis
The thrid tyme fourtty pundis
The ferd tyme ane hundretht puindis
The fift tyme tua hundretht pundis
The quhilk soume abone writin nocht beand pait ...
The saidis landis to be apprisit to ws for the samyne Bochtwithtstanding the poynttis abone writin.
In Witnes herof I the said Alexander hes seilit and subsciuit this obligacione...
At balmerynache the tene day of october
In the yere of god ane thousand fiwe hundrethe thretty and tua zeris
Befor thir Witnes
Androw kinlocht in luthre
Robert dune youngare
Jok thomsone baxstar
Jame(s) bane Adare
and schir Alexander Car notar witht vythiris diuersis.
(with the diocese ?).
Alexander Cowbron witht my hand twechand the peyn.